Receta Kuzhine

Muskuj viçi me salcë       

Nevojiten:

* 800 gramë muskuj viçi

* 2 kokë qepë
* 3 thelpinj hudhre
* 2 lugë uthull molle
* 4 decilitra verë e bardhë
* 4 gjethe dafine
* 1 lugë sheqer
* 5 lugë vaj
* 1 lugë miell
* 60 gramë mustardë
* mëlmesa të përziera, piper i zi

Gatimi:
Qepët priten në rriska, ndërsa hudhra grihet shumë imët. Muskujt pastrohen dhe u hiqen pjesët me dhjamë.
Në enë të përshtatshme bashkohen qepët dhe hudhra, shtohet uthull molle, 0,5 decilitri vaj, vera e bardhë, gjethet e dafinës dhe mëlmesa sipas shijes. Në marinadë futen muskujt e viçit dhe lihen të qëndrojnë 120 minuta.
Pastaj nxirren muskujt, kullohen, lyhen me 30 gramë mustardë dhe mbështillen me letër alumini. Muskujt e viçit piqen 40 minuta në furrën e nxehtë në 200 2C.
Marinada zihet derisa të zbuten perimet. Perimet e ziera kullohen dhe miksohen, ndërsa supa ruhet.
Në pak vaj shkrihet sheqeri, shtohet një lugë miell dhe kaurdiset pakëz. Pastaj derdhet supa nga perimet, zihet derisa të vlojë, shtohen perimet e miksuara, mustarda dhe mëlmesa sipas shijes.
Muskujt e pjekur të viçit hiqen nga letra e aluminit, priten në rris ka dhe bashkohen me salcën e përgatitur. Të gjitha kaurdisen bashkë edhe 15 minuta.

Këshillë shtesë: Gjatë zierjes së perimeve në marinadë duhet shtuar pakëz ujë kohë pas kohe, në mënyrë që të mos shter i tërë lëngu.

Pule e marinuar ne furre

Përbërësit

6 fileta pule
2 lugë gjellë kos me pak yndyrë
2 lugë gjellë vaj ulliri
1 lugë gjellë lëng limoni
2 lugë çaji kripë
1 lugë çaji faferon i kuq i bluar
1/2 lugë çaji piper
pak kanellë
1 lugë erëza të përziera

Përgatitja :
Të gjithë përbërësit e lartpërmendur, me përjashtim të filetave, i përziejmë për të bërë marinadën. I vendosim filetat e pulës në tasin me marinadë, e mbulojmë enën me plastmas kuzhine dhe e lëmë për 20 minuta në frigorifer.

I nxjerrim filetat dhe i fshijmë lehtë me letër kuzhine dhe i lëmë pak derisa të arrijnë temperaturën e dhomës. Pastaj i pjekim në zgarë derisa të marrin një ngjyrë kafe të praruar. Zakonisht i pjekim në zjarr të fortë që të piqen fort nga jashtë e të rrinë të buta brenda e të jenë të lëngshme. Mënyra më e mirë për t’i dhënë një shije të veçantë mishrave të pjekur është marinada. Në këtë mënyrë shmangim përdorimin e shumë vajrave dhe erëzave.

Këshilla për marinimin e mishit:
Kurrë mos e shponi mishin gjatë marinimit sepse kështu humbet lëngjet e tij. Marinada duhet të mbulojë të gjithë mishin dhe ena duhet të jetë gjithmonë e mbuluar dhe e vendosur në frigorifer. Gjithmonë përdorim një enë të qelqtë ose plastike dhe asnjëherë enë alumini për marinimin e mishrave .

• Peshk me domate

Për këtë gjellë mund të përdoren këto lloj peshqish, trofta, levreku, blini, krapi, qefulli, pëllumbi etj.

Për 6 persona:
* peshk 1.200 kg.
* 7-8 domate mesatare
* 10 patate mesatare
* vaj – 3/4 e filxhanit të çajit
* l filxhan çaji verë e bardhë
* l limon
* 4 lugë gjelle galetë
* 4-5 thelpinj hudhra
* l lugë gjelle majdanoz
* kripë e piper

Gatimi:
Pastrohet peshku, pritet në racione (në dy copa për racion) vendoset në pjatë ose tavë dhe i hidhet pak kripë. Merret tava e përshtatshme për peshq dhe lyhet me vaj. Ndërkohë pritet majdanozi hollë dhe hudhrat, shtohet buka apo galeta e bluar dhe përzihen këto së bashku në një pjatë. Një pjesë e kësaj mase hidhet në tavën e lyer me vaj dhe mbi këtë shtresë, vendoset peshku.

Në një tas porcelani hidhet vaji, vera, lëngu i limonit dhe lëngu i domateve. Shtohet kripa, piperi dhe punohen me tel që të bëhet një masë e njëllojtë.

Domateve që kanë mbetur, u hiqet cipa (me ujë të valuar), priten në formë rrethi dhe vendosen mbi racionin e peshkut.

Hidhet mbi peshkun masa e përgatitur me vaj, verë, etj. spërkatet me pjesën tjetër të bukës së bluar dhe vendoset tava në furrë me nxehtësi mesatare për t’u pjekur 20-25 minuta. Ndërkohë zihen patatet në ujë të valuar me kripë, pastrohen dhe shërbehen me peshkun, i cili pasi të piqet plotësisht vihet në pjatë sipas racioneve ose në pjatë duke i spërkatur patatet dhe peshkun me lëngun e vet. Duhet patur parasysh që gjatë pjekjes të spërkatet me lëngun e vet.